Os contidos desta entrada vanse actualizado con novas aportacións e ideas, como resultado da posta en práctica real nas aulas. Lembra visitarnos de forma periodica para ver novas propostas.
Se ben as propostas aquí indicadas están feitas co Beebot, son de aplicación tamén para o E.a.R.L.2.
Algunhas experiencias reais na miña aula (blog de Infantil 2 do C.E.I.P. Pedro Antonio Cerviño)
https://www.edu.xunta.gal/centros/ceipcervinho/node/3943
https://www.edu.xunta.gal/centros/ceipcervinho/node/3092
http://edu.xunta.es/centros/ceipcervinho/?q=node/1925
http://edu.xunta.es/centros/ceipcervinho/?q=node/1982
http://edu.xunta.es/centros/ceipcervinho/?q=node/2413
XOGA ONLINE CO BEEBOT (proxecto en Scratch):
Na creación de este xogo empreguei os mesmos elementos que usamos na aula (bloques de edificios e baldosas de diferentes cores), de xeito que a programación virtual poida logo pasarse á programación co beebot real.
ABRIR NUNHA VENTÁ NOVA A PANTALLA COMPLETA
Abrir o proxecto na páxina de Scratch para acceder ó código
FOLLA DE PLANIFICACIÓN DE RUTA:
As actividades aquí propostas poden incluir o uso destas desta folla de planificación, na cal cada equipo co beebot, pode plantexar o camiño que deberá percorrer na grella real.
- Descarga a folla (grella de 5×9) de planificación en pdf
- Descarga a folla (grella de 5×7) de planificación en pdf
- Descarga a folla (grella de 3×9) de planificación en pdf
FOLLA PARA A LISTA DA COMPRA:
.
SUPERFICIE PARA QUE SE DESPRACEN:
O Beebot e o E.a.R.L.2 avanzan en «saltos» de 15 cm, polo que a superficie por onde se despracen teñen que ter unha «cuadrícula» con esas dimensións.
Se ben poden mercarse «parrillas xa creadas» tanto para o Beebot como para o E.a.R.L.2, aquí plantexamos como facelo creando unhas grellas reutilizables tantas veces como queiramos.
Na nos aula empregamos dous tipos de superficies:
….
a) USANDO UNHA GRELLA TRANSPARENTE:
A grella transparente empregada nestas actividades está elaborada sobre «hule transparente» debuxando unha cuadrícula de 15×15 cm cada un. Empregamos hule e non forro xa que é máis duro e non é tan propenso ás arrugas ó gardarse, de xeito que basta enrollala para evitar dobleces. O feito de ser transparente permite situar debaixo figuras ou escenas planas para las diferentes actividades, podendo crear calquera plano que desexemos, sen necesidade de mercalo.
.
b) USANDO CADRADOS DE METACRILATO DE 15X15 cm:
Outra opción moito máis cómoda que a grella antes indicada, que é o que empregamos agora mesmo, son unha serie de cadrados de metacritalo, cortados cun tamaño de 15×15 cm, de xeito que con eles se poden crear calquera tipo de percorrido ou plano. Ao igual que no caso da grella, ao ser transparente permite meter debaixo calquera figura, para poder así crear calquera plano que desexemos, sen necesidade de mercalo.
CUBOS CON ESTABLECECEMENTOS/EDIFICIOS:
Os bloques que fan de «establecementos» están feitos a partir de cubos de porexpan de 15x15x15 cm (que poden mercarse en tendas de manualidades ou similares), nas que foron pegadas imaxes con tamaño 15×15 cm previamente plastificadas e pegadas con cinta adhesiva. O teito é a imaxe dunha parede impresa no mesmo tamaño e plastificada.
As fachadas dos establecementos foron descargados desde estas ligazóns: ligazon 1 , ligazón 2
Podes descargar a imaxe que empreguei como tellado/parede aquí.
Nota: Baseada na idea presentada por J.M. Zunzunegui nas xornadas de robótica para infantil e primaria organizadas polo CFR de Pontevedra en outubro de 2014
..
BALDOSAS DE GOMA-EVA:
Un xeito doado de trazar camiños coa grella transparente ou coas planchas de metacrilato, é empregar cadrados de gomaeva de 15×15 cm, combinando diferetes cores o propio alumnado pode «crear o escenario» seguindo as consignas indicadas, acodadas ou plasmadas no plano.
…
A CIDADE DO BEEBOT:
Nunha cidade o beebot ten que recorrer diferentes establecementos para «facer a lista de recados» ou «lista da compra» que se indique. A dificultade do percorrido dependerá das sucesivas tarefas que se sinalen en cada caso.
Material:
- Grella nun hule transparente ou cadrados de metracrilato
- Cubos con establecementos pegados nas súas caras.
- Un beebot/E.a.R.L.2
- Unha lista «da compra ou tarefas»
Nota: Baseada na idea presentada por J.M. Zunzunegui nas xornadas de robótica para infantil e primaria organizadas polo CFR de Pontevedra en outubro de 2014
..
SEGUE O CAMIÑO DE CORES CO BEEBOT:
Plantéxase que o beebot percorra o camiño sinalado nunha cor determinada. Este está formado por cadrados de goma-eva situadas debaixo da grella transparente.
Material:
- 1 grella nun hule transparente ou cadrados de metacrilato.
- Cadrados de goma-eva de diferentes cores para trazar os camiños
- Un ou dous beebots/E.a.R.L.2
……
PLANIFICANDO A RUTA:
En ocasións pode interesarnos que sexan os propios alumnos quenes deseñen a ruta (empregando a plantilla correspondente), para logo «levala á realidade» e finalmente programar o beebot para que faga o recorrido. Facelo de xeito grupal permite fai que os integrantes do equipo teñan que acordar o deseño, a posta en práctica e a programación do beebot.
..
CAL É O CAMIÑO MÁIS CURTO:
Escolle co beebot o camiño máis curto, alternativamente poderían empregarse dous beebot para controlar a difereza de tempo necesario para facer un camiño ou outro.
Material:
- 1 grella nun hule transparente ou cadrados de metacrilato.
- Cadrados de goma-eva de diferentes cores para trazar os camiños
- Un ou dous beebots/E.a.R.L2
…
RECTA NUMÉRICA:
Nunha grella transparente baixo a que se poden ir situando os números (ou imaxes coas cantidades que representan). Pídese que desplacen ó beebot ata determinado número, que volte atrás ata outro número e incluso pode complicarse máis indicando que «vaia a o número x espere e logo vaia ata o número y».
Pode empregarse tamén para facer exercicios de cálculos simples coa serie numérica: Canto ten que andar o Beebot para ir do número x ó y… cantos ten que «voltar atrás», desplaza o beebot ata a metade de X número, o doble….
..
CON CORES:
Primeira aproximación ó beebot (cos de tres anos)… pídese que desplacen o beebot por unha única «liña» ata a cor indicada, contando os cadros necesarios… paulatinamente vaise incrementando a dificultade incluíndo baldosas de dúas cores e pedindo que se desplace a unha en concreto (ainda que teña que pasar sobre a mesma)
…
CON LETRAS:
Localizar as vogais do seu nome nunha liña de letras: para os máis pequenos, pode ir complicándose pedindo que percorra a liña buscando as vogais do seu nome en orde (cara adiante e cara a atrás)
..
Buscar as letras do nome propio nunha grella con tódalas letras: para os de máis idade buscar as iniciais do nome, ou en momento moito máis avanzados pedir que se faga o percorrido buscando tódalas letras do seu nome en orde.
..
Evidentemente as propostas que aquí se fan co nome propio se aplican a outro tipo de vocabulario presente na aula.
Desplazar o Beebot tanto como indique o número, pero sen saír da grella, de xeito que teñan que «planificar» unha ruta para números moi elevados.
…
LABIRINTOS:
Con bloques de construccións poden crearse labirintos polos que o Beebot ten que desplazarse para atopar o camiño correcto sen derrubar ningunha peza.
..
PROGRAMANDO «EN PAPEL»
Plantilla imprimible para a planificación de código (diagrama de código) – pdf
Podemos deseñar un percorrido co beebot, escribindo un código para logo programalo no robot e verificar se se comporta como agardamos. A simboloxía do código pode ser acordada e diseñada conxuntamente co alumnado ou ben empregando a notación standard dos diagramas de fluxo.
..
Podemos solicitar que se plasme na grella a situación de diferentes edificios lendo (con lectura convencional ou non) o que pon en cada celda.
Podemos pedir que fagan hipóteses «lendo» e interpretando a programación co código sobre o papel, de onde chegará o beebot se se lle introduce dito código, incluso podemos colorear sobre o papel o percorrido que agardamos que fará e contrastalo co que finalmente faga.
..
…
